26-Feb-2020 | १४ फाल्गुन २०७६, बुधबार

गायिका आस्था राउतलाई पक्रन अनुमति

५ माघ २०७६, आईतवार ०   बिचार / प्रतिक्रिया


काठमाडौं । ड्यूटीमा खटिएको प्रहरी कर्मचारीमाथि अभद्र व्यवहार गरेको कसुरमा गायिका आस्था राउतमाथि कारवाही हुने भएको छ ।

उनलाई पक्राउ गर्न जिल्ला प्रशासन कार्यालय काठमाडौंले प्रहरीलाई अनुमति दिएको छ ।

प्रहरीले बुझाएको अनुसन्धान प्रतिवेदनका आधारमा जिल्ला प्रशासन कार्यालय काठमाडौंले पक्राउको अनुमति दिएको हो ।

अब उनी प्रहरीको फरार सूचीमा परेकी छिन् । आस्थ अहिले सिक्किममा छिन् ।

बुधबार काठमाडौंबाट भद्रपुर जाने क्रममा त्रिभुवन अन्तर्राष्ट्रिय विमानस्थलमा नियमित सुरक्षा जाँचका क्रममा प्रहरीबाट दुर्व्यवहार भएको भन्दै उनले फेसबुकबाट भिडियो सन्देश जारी गरेकी थिइन् ।

उक्त सन्देशमा उनले प्रहरी संगठनमाथि अमर्यादित भाषा बोलेकी छिन् भने तल्लो तहको कर्मचारीलाई होच्याएर बोलेकी छिन् ।

त्यसपछि त्रिभुवन विमानस्थलको सीसीटीभी क्यामराले खिचेको भिडियो सार्वजनिक गरेको थियो ।

भिडियोमा प्रहरी भन्दा आस्थाले प्रहरीलाई दूब्र्यवहार भएको देखिएपछि उनीमाथि कारवाहीको पक्रिया अगाडी बढाइएको हो ।

उनको भिडियो भाइरल भएपछि प्रहरी प्रधान कार्यालय, नक्सालले अनुसन्धानका लागि महानगरीय प्रहरी आयुक्तको कार्यालय, रानीपोखरीलाई निर्देशन दिएको थियो ।

त्यसपछि रानीपोखरीबाट विमानस्थलमा भएको घटनाबारे छानबिन सुरु भएको हो ।

सीसीटीभी फुटेजबाट आस्थामाथि दुर्व्यवहार नभइ, उनले महिला प्रहरी रमिला श्रेष्ठलाई अभद्र व्यवहार गरेको देखिएपछि प्रहरीले कारवाही अगाडी बढाउन लागेको हो श्रेष्ठले पनि अभद्र व्यवहार सम्बन्धी कसुरमा कारबाहीको माग गर्दै विमानस्थल सुरक्षा प्रहरी कार्यालयमा किटानी जोहरी दिएकी छन् ।

सीसीटीभी क्यामरा बाहिरीएपछि भने आस्थाले सार्वजनिक रुपमा माफि मागेकी थिइन् ।

Loading...

फेसबुकबाट तपाईको प्रतिक्रिया

सम्बन्धित समाचार