ओहायो

अमेरिकाको ओहायो राज्यका सिनेटर सेरुद ब्राउनले ५ भिन्नाभिन्नै गिनिज बुक अफ वर्ल्ड रेकर्डका किर्तिमानी नेपाली मुलका उज्ज्वल ठकुरीलाई लिखित मान्यता प्राप्त पुरस्कारद्वारा सम्मान गरेको छ । ब्राउनले जेनेवरी १८ तारिखका दिन ठकुरीको साहस र  मेहेनतको लागि उक्त पुरस्कार प्रदान गरेको हो ।

सिनेटर सेरुद ब्राउन ओहायो राज्यमा सन् २००६ देखि जितेर आएका डेमोक्रेटिक पार्टीमा आबद्ध मुख्य सिनेटर हुन् । उज्ज्वल ठकुरीद्वारा दोस्रो र तेस्रो बिश्व किर्तिमान ओहायो राज्यबाट गरेको पत्रचार हुने बित्तिकै उक्त पुरस्कारद्वारा सम्मानित गरेको हो ।

उज्ज्वल ठकुरी पहिलो बिश्व किर्तिमानी कराँते खेलाडी हुन् जस्ले अमेरिकाको ३ छुट्टाछुट्टै संसद भवनका बहालवाला सिनेटरहरुद्वारा पुरस्कार प्राप्त गरेका छन् । ठकुरी यसअघि दुई बहालवाला सिनेटरहरु टिम केन र मार्क वार्नरद्वारा सम्मानित भएका थिए ।