यूएई । पछिल्लो एक वर्षमा यूइएमा मात्र १ सय ३ जना नेपालीको ज्यान गएको छ ।

यूएईस्थित नेपाली दूतावासको तथ्यांक अनुसार यसरी ज्यान जानेमा ९९ जना पुरुष छन् भने ४ जना महिला छन् ।

यस मुलुकमा दूर्घटनाका कारण धेरैले ज्यान गुमाउँछन् । खासगरी तिबै गतिमा सवारी साधन चल्ने भएकाले सानो गल्तीको सजाय नि यहाँ मृत्यु हुने भएको छ । नेपाली युवाका लागि यूएईमूख्य श्रम बजार हो ।

दूतावासका अनुसार सन् २०१९ मा यति मानिसको ज्यान गएको हो । सन् २०१९ मा सडक दुर्घटनाले २३ जना नेपालीको ज्यान लिएको छ । १ महिला र ५६ जना पुरुषको भने प्राकृतिक मृत्यु भएको बताइएको छ ।

१ महिला र १७ पुरुषले भने आत्महत्या गरेका हुन् । कामको अधिक चाप र घरबाट आउने अपेक्षाकृत दवावका अनुसार धेरै नेपाली आत्महत्या गर्न बाध्य हुन्छन् ।

पछिल्ला वर्षहरुमा निरन्तर यस मुलुकमा नेपालीले ज्यान गुमाइरहेका छन् ।

सन् २०१८ मा ९८ को ज्यान गएको तथ्यांक थियो । यस मुलुकले करीव साढे २ लाख नेपालीलाई रोजगार दिइरहेको छ ।

अहिले वर्षेनी करीव १ हजारको संख्यामा नेपालीहरुले विदेशमा ज्यान गुमाउँछन् । रोजगारीको सिलसिलामा करीव ४५ लाख नेपाली विदेशमा रहेको अनुमान रहेको छ ।