काठमाडौं । प्रधानमन्त्री केपी शर्मा ओली र भारतीय समकक्षी नरेन्द्र मोदी आज भिडियो कन्फ्रेन्समा जोडिने भएका छन् ।

भारतको नयाँ दिल्लीबाट मोदी र सिंह्दरबारबाट जोडिने ओलीले आज खासगरी दुई परियोजनाको उद्घाटन गर्ने कार्यक्रम रहेको छ ।

भारतीय सहयोगमा विराटनगरमा निर्माण भएको एकिकृत भन्सार जाँच चौकी (आइसीपी) आज भारतले नेपाललाई हस्तान्तरण गर्दैछ ।

करीव ३ वर्ष अगाडी निर्माण थालिएको यो परियोजना निर्माणमा भारतले आर्थिक तथा प्राविधिक सहयोग गरेको थियो ।

आजै, गोरखामा भारतीय आर्थिक सहयोगमा बनेका भूकम्पपिडितका घर पनि आजै हस्तान्तरणको कार्यक्रम राखिएको छ ।

भारतले करीव ५० हजार घर निर्माणमा सहयोग गरेको हो । भारतले नुवाकोट र गोरखामा घर निर्माणका लागि सहयोग गरेको थियो ।