काठमाडौं । नेपाली खेलाडी सावित्रा भण्डारी र अनिता बस्नेत भारतको सबैभन्दा ठूलो फुटबल  प्रतियोगिता आइलीग खेल्न भारततर्फ प्रस्तान गरेका छन् ।

उनीहरु मंगलबार भारततर्फ लागेका हुन् । यी दुई खेलाडी नेपालको राष्ट्रिय टोलीमा जमेका खेलाडी हुन् ।

उनीहरुलाई भारतीय क्लवले आवद्ध गरेको छन् । गतवर्ष दुबै खेलाडी सेथु क्लवबाट खेलेका थिए । यसपटक भने उनीहरुको टोली छुट्टिएको छ । यस पटक सावित्राले गोकुलम केरला एफसीबाट खेल्नेछिन् ।

अनिता भने पुरानै क्लब सेथु एफसीबाट खेल्दैछिन् । अन्तर्राष्ट्रिय फुटबलमा पहिलोपटक व्यावसायिक रुपमा खेल्ने साम्बा र अनिता पहिलो नेपाली महिला खेलाडी हुन् ।

उनीहरुले यसअघि माल्दिभ्सको फुटसल लिग समेत खेलिसकेका छन् । गतवर्ष सावित्रले आइलीगमा विश्वसनीय प्रदर्शन गरेकी छिन् ।

उनले ६ खेलका लागि मैदानमा उत्रदा ३ ह्याट्रिकसहित १५ गोल गरेकी थिइन । आई लिग बिहीबारबाट सुरु हुँदैछ।