काठमाडौं । गृहमन्त्री रामबहादुर थापाले समेत एमसिसीका केही प्रावधान राष्ट्रको हितमा नभएको बताएका छन् ।

शनिबार सुर्खेत पुगेका थापाले एमसीसीका केही प्रावधान संशोधनमा जोड दिएका हुन् ।

गृह मन्त्रालय र कर्णाली प्रदेश सरकार आन्तरिक मामिला तथा कानून मन्त्रालयको संयुक्त आयोजनामा सञ्चालित दुईदिने सुरक्षा गोष्ठीमा भाग लिन उनी सुर्खेत पुगेका हुन् ।

त्यहा पार्टी नेता तथा कार्यकर्तासँगको कुराकानी गर्दै उनले नेपालको सार्वभौमिकता र स्वतन्त्रतालाई कुण्ठित पार्ने प्रावधान भए एमसिसी मान्य नहुने बताए ।

एमसिसी परियोजनाअन्तर्गत अमेरिकाबाट नेपालमा लगानी हुने ५५ अर्ब बजेटमध्ये १३ अर्ब नेपालको समेत लगानी हुने उनले स्पष्ट पारे ।

सोहीकारण कर्मचारी राख्नेदेखि लेखापरीक्षणसम्मको प्रावधानमा अमेरिकाको निर्णय मान्नुपर्ने शर्तमा संशोधन आवश्यक रहेको उनको भनाई छ ।

यो लगानी हिन्द प्रशान्त रणनीति भने नरहेकोकाृ उनको भनाई छ ।

दूतावासबाटै यसको खण्डन भइसकेको अवस्थामा अब यस विषयमा शंका नहरेको उनको भनाई छ । पछिल्लो समय एमसीसी पास गर्ने वा नगर्ने भन्ने विषयमा संसदभित्रै विवाद रहेको छ ।