क्यालिफोर्निया । विश्वचर्चित चर्चित अमेरिकी बास्केटबल खेलाडी कोबे ब्रायन्टको हेलिकोप्टर दूर्घटनामा निधन भएको छ ।

पाँच पटक एनबीए च्याम्पियन र ओस्कार समेत जितेका अमेरिकी बास्केटबल लेजेण्ड कोबे ब्रायन्टको हेलिकोप्टर दुर्घटनामा मृत्यु भएको हो ।

उनीसँगै उनकी छोरीको समेत निधन भएको हो । क्यालिफोर्नियाको कालाबासस शहरमा दूर्घटना भएको हो । कोबे, उनकी छोरी गियनासहित नौ जनाले दूर्घटनामा ज्यान गुमाएका हुन् ।

४१ बर्षीय ब्रायन्ट नीजि हेलिकोप्टरमा यात्रारत थिए । लस एन्जलस प्रहरीका अनुसार हेलिकोप्टरमा सवार सबैको निधन भएको हो ।

ब्रायन्टलाई अमेरिकी बास्केटबलका महान खेलाडी मानिन्छ। उनको निधनमा अमेरिकी खेलाडी, कलाकार र राजनीतिज्ञहरुले शोक व्यक्त गरे ।