काठमाडौं । आरोही मिङ्मा दोर्ची शेर्पाले सबैभन्दा कम समयमा विश्वको सर्वोच्च शिखर सगरमाथाको सफल आरोहण गरेर नयाँ कीर्तिमान राखेका छन् ।
शेर्पाले गत जेठ १३ मा ६ घण्टा १ मिनेटमा सगरमाथाको सफल आरोहण गरी नयाँ कीर्तिमान कायम गरेको पायोनियर एडभेन्चरले जानकारी दिएको हो । शेर्पा संखुवासभाका स्थानीय हुन् ।

उनले सगरमाथा र ल्होत्से हिमालको सबैभन्दा छोटो समयमा सफल आरोहण गरेर नयाँ कीर्तिमान कायम गरेको कम्पनीले दावि गरेको छ ।

शेर्पाले सगरमाथाको ५ पटक सफल आरोहण गरिसकेका छन् । उनी ल्होत्सेमा ३, मकालुमा ३, मनास्लुमा ३, केटुमा २, धवलागिरीमा २ र आमादब्लाम हिमालमा २ पटक गरी २० पटक हिमालको सफल आरोहण गरिसकेका छन् ।