काठमाडौं । अन्तराष्ट्रिय फूटबलमा माथिल्लो स्तरमा खेल्ने नेपाली खेलाडी हुने रोहित चन्द । उनी इण्डोनेसियाको ए डिभिजन लीग खेल्छन् ।

उनी नेपाली राष्ट्रिय टिमका मिडफिल्डर हुन् । उनलाई इन्डोनेसियाको ए डिभिजन क्लब पर्सिजा जकर्ताले थप दुई वर्षका लागि सम्झौता लम्ब्याएको छ ।

रोहित र पर्सिजाबीच १५ जनवरी २०२० देखि लागु हुने गरी बुधबार २ वर्षका लागि सम्झौता भएको छ । रोहित एक साताअघि सम्झौताका लागि जकर्ता पुगेका हुन् ।

क्लबले सुरुमा छोटो समयका लागि सम्झौता गर्न प्रस्ताव गरेको थियो । तर, रोहित भने लामो अवधिको सम्झौताको पक्षमा थिए ।

पर्सिजा र रोहितबीच भएको सम्झौता अनुसार रोहितले मासिक करीव १० लाख रुपैयाँ पाउने गरी सम्झौता गरेका हुन् ।

रोहित गत सिजनमा लीगको उत्कृष्ट खेलाडी बनेका थिए । उनी लगभग सबै खेलमा महत्वपूर्ण भूमिकामा रहन्छन् ।

रोहित सन् २०१७ देखि पर्सिजामा आबद्ध रहेका छन् । सम्झौता अनुसार उनी अब २०२२ जनवरीसम्म पर्सिजाबाटै खेल्नेछन् ।