24-Feb-2020 | १२ फाल्गुन २०७६, सोमबार

गिरिजा प्रसाद फाउण्डेशन अमेरिकाले बृहत कार्यक्रम गर्ने

१७ माघ २०७६, शुक्रबार ०   बिचार / प्रतिक्रिया


न्यूयोर्क

अमेरिकास्थित गिरिजा प्रसाद फाउण्डेशन न्यूयोर्कले यही जनवरी २९ तारिखका दिन ब्रुकलिन बोरो प्रेसिडेण्टको कार्यालयमा एक बृहत छलफल गरेको छ ।  न्यूयोर्क शहरमा थप सुरक्षा सुधार के कसरी गर्न सकिन्छ ? भन्ने विषयमा केन्द्रित रहेर आगामी कार्यक्रमहरु तय गर्नको लागि उक्त छलफल भएको हो ।

गिरिजा प्रसाद कोईराला फाउण्डेसन र ब्रुकलिन बोरो प्रेसिडेण्टका प्रतिनिधि बीच भएको छलफलमा ब्रुकलिन बोरो प्रेसिडेण्टको तर्फवाट रयान लिन्च (चिफ अफ स्टाफ) र दिलिप चौहान (डाईरेक्टर साऊथ ईस्ट ऐसियन एफियर्स) थिए भने फाउण्डेशनको तर्फवाट अध्यक्ष सोमनाथ घिमिरे, उपाध्यक्ष सुवर्ण लामा, केन्द्रीय सदस्य प्रेम पौडेल र पास्टर ऐमानुयेल एस्से सहभागी थिए ।

लगभग एक घण्टा चलेको उक्त बैठकमा फाउण्डेशनले यस विषयमा एक बृहत कार्यक्रमको योजना गर्ने भएको छ । 

न्यूयोर्क शहरमा सुरक्षा सुधार कसरी गर्न सकिन्छ ? भन्ने विषयमा मेयर, पुलिस कमिशनर, सबै बोरोका प्रेसिडेण्ट एवम् न्यूयोर्क शहर भरिका सबै धर्मका धार्मिक गुरुहरु लगायत सबै समुदायका नेताहरुसँग बिचार-बिमर्ष गोष्ठी गर्ने वारे निकै महत्वपुर्ण सुझाव र सल्लाहहरु आदानप्रदान भएको जानकारी अध्यक्ष घिमिरे दिएको छ ।

Loading...

फेसबुकबाट तपाईको प्रतिक्रिया

सम्बन्धित समाचार