काठमाडौं । चीनमा कोरोना भाइरसबाट ज्यान गुमाउनेको संख्या ३ सय नाघेको छ ।

तीन साताअघिबाट फैलन थालेको यो रोगको महामारीमा परी शनिबार रातीसम्म ३ सय ४ जनाको ज्यान गइसकेको चिनियाँ संचरमाध्यमले जनाएका छन् ।

चीनको वुहान प्रान्तबाट यो रोग फैलन थालेको हो । १४ हजार ३ सय ८० जनामा उसको संक्रमण फैलिसकेको छ ।

कोरोना निको भएपछि ३ सय २८ जना उपचार पुरा गरी घर फर्किएका छन् । चीनले कोरोना भाइरसबाट बच्न भने कुनै कसुर बाँकि राखेको छैन ।

उनीहरुलाई छुट्टै अस्पतालमा राखिएको छ । त्यसका लागि तीन दिनमै नयाँ अस्पताल बनाइएको हो ।

यसको संक्रमण विश्वका १८ मुलुकमा देखिइसकेको छ । त्यसमध्ये नेपाल पनि एक हो । विकसित मुलुकले चीन भ्रमणमा नजान आफ्ना नागरिकलाई आग्रह गरेका छन् ।

चीनले समेत विदेशबाट चीन भ्रमणमा नआउन आग्रह गरेको छ । चिनियाँ नागरिकलाई धेरै मुलुकले भ्रमणमा कडा निगरानी राखेका छन् ।