13-Nov-2019 | २७ कार्तिक २०७६, बुधबार

अब पाइपलाइनबाटै नेपालमा जानेछ पेट्रोलियम पदार्थ

२२ जेष्ठ २०७६, बुधबार ०   बिचार / प्रतिक्रिया


काठमाडौं । राष्ट्रिय प्राथमिकता प्राप्त मोतिहारी–अमलेखगन्ज पेट्रोलियम पाइपलाइन निर्माणको ९९ प्रतिशत काम सम्पन्न भएको छ । यससँगै अब नेपालमा पाइपलाइनबाटै पेट्रोलियम पदार्थ पुग्ने लगभग निश्चित भएको हो ।

नेपाल आयका निगमका अनुसार भौतिक संरचना निर्माणको काम सम्पन्न भएको छ । यसले परियोजनाको ९९ प्रतिशत कार्य प्रगति भइसकेको नेपाल आयल निगमले जानकारी दिएको छ ।

निगमका उपनिर्देशक पुस्कर कार्कीका अनुसार अब पाइपलाइन संचालन, मर्मत तथा अध्यावधिक राख्न इन्डियन आयल कर्पोरेशनले नेपाल आयल निगमका कर्मचारीलाई तालीम दिदैछ ।

 

बिहीबारबाट तालीम शुरु हुने उनले जानकारी दिए । तालीममा निगमका २५ जना कर्मचारी सहभागी हुने भएका छन् ।

तालीमपछि दक्षजनशक्तिमार्फत परियोजना हस्तान्तरण गरिने र त्यसमार्फत निगमले निगमले नियमित इन्धन आपूर्ति गर्न सक्ने कार्कीले उल्लेख गरेका छन् । कूल ७० किलोमिटर लामो यो पाइपलाईन बिस्तारको काम २०७२ सालमा शुरु भएको हो ।

यस परियोजनामा भारतीय आयल कर्पोरेशनले सहयोग गरेको छ । पाइप लाइनमा एक घण्टामा २ लाख लिटर तेल आउँछ ।

यो आयोजना निर्माण गर्न भारु २ सय करोड भारतले र ७५ करोड नेपालले बेहोर्ने गरी सम्झौता भएको थियो । पाइपलाइनमा आएको तेल राख्न अमलेखगन्ज डिपोमा ट्यांकी समेत निर्माण गरिएको छ ।

फेसबुकबाट तपाईको प्रतिक्रिया

सम्बन्धित समाचार