वुहान । चीनले कोरोना भाइरसको संक्रमण भएका बिरामीका लागि तयार पारेको १ हजार शैयाको अस्पताल आजबाट संचालनमा आउँदैछ ।

चीनले यो अस्पताल निर्माण थोलेको १० दिनमै संचालन योग्य बनाएको हो । चीनले घोषणा गरेकै समयमा निर्माणको काम सकेको हो ।

भाइरस संक्रमणले महामारीको रुप लिएको स्थान वुहानमै यो अस्पताल बनाइएको छ । यहाँ कोरोना भाइरसको मात्र उपचार हुनेछ ।

यो अस्पतालमा चिनियाँ सैनिकका करीव १ हजार ४ सय स्वास्थ्यकर्मीले बिरामीको उपचार गर्ने भएका छन् ।

यस शहरबाट शुरु भएको यो भाइरसले चीनमा मात्र ३ सय ६० को ज्यान लिइसकेको छ ।

चीनभन्दा बाहिर एक जना फिलिपिनी नागरिकको ज्यान गएको छ ।

संसारभर १८ मुलुकमा फैलिएको यसका रोगको संक्रमण १४ हजार भन्दा बढीमा फैलिसकेको छ । रोगसँग लड्न चीनले भने हरसम्भव प्रयास गरिरहेको छ ।