काठमाडौं । नायिका प्रियंका कार्की बार्सिलोनाको होम ग्राउण्डमा लाइभ फूटबल हेर्न पुगेकी छिन् । उनी सोमबार बिहान भएको बार्सिलोना र लेभान्टेबीचको खेलका लागि क्याम्पनाउ पुगकी हुन् ।

उनी बार्सिलोनाको आधिकारिक फेसबुक पेजबाट भएको प्रिम्याच लाइभमा समेत देखा परेकी थिइन । करीव ३ मिनेट लामो भिडियोमा उनी र अर्को एक जना युवतीले आफ्नो अनुभव बाँडेका थिए ।

प्रियंका ब्याइफ्रेण्ड आयूष्मान देशराज जोशीका साथमा पुगेकी हुन । स्पेनिस लीग ला लिगा अन्तर्गत बार्सिलोना र लेभान्टेबीचको खेलका लागि उनी मैदानमा पुगेकी हुने ।

उनको तस्वीर सामाजिक संजालबाट सार्वजनिक गर्दै बार्सिलोनाले ‘वि लभ नेपाल’ पोष्ट गरेको छ ।

उनको भिडियोसमेत बार्सिलोनाले पोष्ट गरेको छ । यो पोष्ट भने दक्षिण एसियाली मुुलुकमा मात्र देखिन्छ । किनकी लालीगाको फेसबुक लाइभबाट प्रत्यक्ष प्रसारण हुने गरेको छ । लालीगाको प्रसारण अधिकार फेसबुकले लिएको छ ।

प्रियंकाले आइतबार रातिको खेल सुरु हुनुअघि ‘ला लिगा’ को फेसबुक लाइभमार्फत अंग्रेजी र नेपाली दुबै भाषामा बोलेकी छिन् ।

उनले त्यसक्रममा धेरै नेपाली बार्सिलोना आउन चाहने तर नपाउने भन्दै भनेकी छिन्, ‘मैले सबैको लागि यो सपना बाँचिरहेको छु, यहाँ यति रमाइलो भइरहेको छ । यो क्षण म जिन्दगीभर बिर्सिन सक्दिनँ ।’

फेसबुक लाइभकै क्रममा प्रियंकालाई खेलमा कति गोल हुन्छ भनेर अनुमान समेत गर्न लगाइएको थियो । उनले कूल चार गोलको अनुमान गरेकी थिइन् ।

फेसबुक लाइभमा उनले बार्सिलोनाका कप्तान लियोनल मेस्सी आफ्नो मन पर्ने खेलाडी रहेको बताएकी छिन् । ‘मलाई मेस्सी मन पर्छ किनभने उनी तेज छन् र उनको दाँजोमा अर्को कोही छैन, उनको भनाई छ ।

उनी व्यवसायिक ब्राण्डको स्पोन्सरमा बार्सिलोनामा पुगेकी भएपनि कसले त्यहासम्म लग्यो भन्ने चाही सार्वजनिक भएको छैन ।