काठमाडौं । सरकारले खाना पकाउने ग्यासको भाउ बढाएको छ । नेपाल आयल निगमका अनुसार प्रतिसिलिण्डर २५ रुपैयाँ वृद्धि भएको छ । यो मूल्य राती १२ बजेबाट लागु हुनेछ ।

निगमका अनुसार भारतबाट खाना पकाउने ग्यासको मूल्य बढेर आएको छ । सोहीअनुसार प्रति सिलिन्डर २५ रुपैयाँ मूल्य समायोजन गरिएको छ ।

अब ग्यासको मूल्य अब प्रति सिलिन्डर १३७५ रुपैयाँ पुगेको छ । निगमले पेट्रोल र डिजेलको मूल्य भने घटाएको बताएको छ ।

भारतबाट आएको मूल्यमा समायोजना गर्दा डिजेल र पेट्रोलको मूल्य घटेको हो । यी दुबैमा प्रति लिटर १ रुपैयाँ घटेको छ ।

यसअनुसार डिजेलको मूल्य प्रतिलिटर ९९ र पेट्रोलको प्रतिलिटर ११० रुपैयाँ कायम भएको छ ।

मूल्य समायोजन भएसँगै नेपालतर्फ वीरगञ्ज नाकाको तुलनामा भारतको रक्सौलमा कायम भएको पेट्रोलको खुद्रा विक्री मूल्य १६ रुपैयाँ ४० पैसा प्रति लिटरले सस्तो र डिजेलको खुद्रा विक्री मूल्य १६ रुपैयाँ २७ पैसा प्रति लिटरले नेपालतर्फ सस्तो हुन जान्छ ।