काठमाडौं । मंगलबार प्रधानमन्त्री केपी शर्मा ओलीले बाँसुरी बजाइरहेको र पूर्वप्रधानमन्त्रीद्वय झलनाथ खनाल र माधवकुमार नेपालले सारंगी रेटिरहेको फोटो सार्वजनिक भयो ।

प्रधानमन्त्री र पूर्वप्रधानमन्त्रीको यो सांगितिक रुप भने सामाजिक संजालमा भाइरल भएको छ ।

प्रधानमन्त्रीका प्रेस सल्लाहकार सूर्य थापाले सार्वजनिक गरेको यो तस्वीरलाई आम मानिसले हाँसोको पात्र तथा ब्यंग्यका पमा प्रस्तुत गरेका छन् ।

कसैले प्रधानमन्त्री निवासलाई रोधीघर भनेका छन् भने कसैले पार्टी प्यालेस भन्दै व्यंग्य गरेका छन् ।

मंगलबार सत्तारूढ नेपाल कम्युनिष्ट पार्टी नेकपाका सचिवालय सदस्य र पाहुनाहरुकै अगाडी यो सांगितिक माहौल बनेको हो ।

बालुवाटारमा प्रधानमन्त्रीले बाँसुरी धुन बजाएर सबैलाई अचम्मित बनाएका हुन् ।

मदन भण्डारी कला, साहित्य प्रतिष्ठानको आयोजना र नेपाल संगीत तथा नाट्य प्रज्ञा प्रतिष्ठानको सहकार्यमा बालुवाटारमा नेपाली मौलिक धुन, सारंगी साँझ कार्यक्रम चलाइएको थियो ।

सोही कार्यक्रमको तस्वीर भाइरल भएको हो । सम्पादकसमेत सोही अवसरमा बालुवाटारमा उपस्थित थिए ।