24-Feb-2020 | १२ फाल्गुन २०७६, सोमबार

आइसिसी विश्वकप लिग २-अमेरिकालाई ओमानले हरायो

२३ माघ २०७६, बिहीबार ०   बिचार / प्रतिक्रिया


काठमाडौं । ओमानले आइसिसी विश्वकप लिग, २ अन्तर्गत एकदिवसीय अन्तर्राष्ट्रियमा अमेरिकालाई हराएको छ ।

बिहीबार भएको खेलमा ओमानले अमेरिकालाई ६ विकेटले हराएको हो । जितसँगै ओमान अब समुहको शीर्ष स्थानमा रहेको छ ।

अमेरिका र ओमानको समान १२ अंक छ । रनरेटमा ओमान अगाडी छ । बिहीबार कीर्तिपुरस्थित त्रिवि क्रिकेट मैदानमा खेल भएको थियो ।

खेलमा अमेरिकाले दिएको २ सय १४ रनको लक्ष्य ओमानले ३ बल बाँकी छँदा पूरा गरेको थियो ।

पहिले ब्याटिङ गरेको अमेरिकाले निर्धारित ५० ओभरमा सबै विकेटको क्षतिमा २ सय १३ रन मात्र जोड्न सकेको थियो । अमेरिकाका लागि होल्यान्डले सर्वाधिक ६५ रन र अक्ष्य होमराजले ४४ रन जोडे ।

ओमानका लागि कप्तान नदिमले ३ विकेट लिए। बुधबार सिरिजको पहिलो खेलमा ओमानले घरेलु टोली नेपाललाई १८ रनले पराजित गरेको हो ।

आइसिसीले एकदिवसीय विश्वकप छनोटको नयाँ रोडम्याप तय गरेको हो । सोहीकारण गत अगस्टबाट त्रिकोणात्मक सिरिज सुरु भएको हो।

यहीँ सिरिज खेल्न अमेरिका र ओमान नेपाल आएका हुन् । शनिबार नेपाल र अमेरिका भिड्दैछन् ।

Loading...

फेसबुकबाट तपाईको प्रतिक्रिया

सम्बन्धित समाचार