काठमाडौं । अमेरिकालाई काठमाडौंमा जारी आइसीसी क्रिकेट वल्र्ड कप लीग डिभिजन टूमा नेपालले हराएको छ । शनिबार सम्पन्न खेलमा अमेरिका नेपालसँग ३५ रनले हारेको हो ।

टस जितेर पहिले बल रोजेको अमेरिकाले नेपाललाई १९० रनमा रोकेको थियो । नेपालले ४९.२ ओभरमा सबै विकेट गुमाउँदै १ सय ९० रन बनाएको थियो ।

जवाफी ब्याटिंगमा उत्रिएको अमेरिका ४४.१ ओभरमा १५५ रन बनाउँदा अल आउट भयो । ब्याटिंगमा औसत प्रदर्शन गरेको नेपालले बलिंगतर्फ भने आफ्नो विश्वस्तरीय क्षमता प्रदर्शन गरेको छ ।

नेपालका लागि करण केसीले ४ विकेट लिए । सुसन भारी र सन्दीप लामिछानेले क्रमशः ३ र २ विकेट लिए ।

कुशल मल्लको नाममा एक विकट रह्यो । मल्ले आज डेब्यू गरेका थिए । १५ वर्षमै डेब्यू गरेका उनको प्रदर्शन भने सनसनीपूर्ण रह्यो ।

ब्याटिंगमा अर्धशतक प्रहार गर्दै उनले सबैभन्दा कान्छो उमेरमा वान डे इन्टरनेशनमा अधशतक प्रहार गर्ने खेलाडीको रुपमा आफूलाई स्थापित गरे ।

यो कीर्तिमान यसअघि नेपालकै रोहित पौडेलको नाममा थियो । उनले विकेट समेत लिएका हुन् ।

जारी सिरिजमा अमेरिकाको यो दोस्रो हार हो । यसअघि ओमानले समेत अमेरिकालाई हराएको थियो । नेपाल पनि ओमानसँग हारेको थियो ।

तर, अमेरिकासँग भने निकै बलियो टोलीका रुपमा नेपालले प्रदर्शन गर्यो ।