काठमाडौं । पछिल्लो समय नेपाल र बंगलादेशबीच उच्चस्तरीय भ्रमणले तीब्रता पाएको छ ।

मंगलबार मात्र बंगलादेशी सेनापति अजिज अहमद नेपालको ५ दिने भ्रमण पुरा गरी स्वदेश फर्किएलगत्तै नेपालबाट परराष्ट्र मन्त्री प्रदीप ज्ञवालीले बंगलादेशको भ्रमण गर्ने भएका छन् ।

यसअघि तीन महिनाअघि बंगलादेशका राष्ट्रपतिले नेपालका ५ दिने भ्रमण गरेका थिए ।

परराष्ट्रमन्त्री प्रदीप ज्ञवाली फागुन ५मा तीनदिने औपचारिक भ्रमणका लागि बंगलादेश जाने परराष्ट्र मन्त्रालयले जनाएको छ ।

मंगलबार बसेको मन्त्रिपरिषद बैठकले मन्त्री ज्ञवालीको भ्रमण स्वीकृत गरेको हो । फागुन ५ मा ढाका जाने मन्त्री ज्ञवालीको टोली ७ फागुनमा स्वदेश फर्कने छ ।