14-Nov-2019 | २८ कार्तिक २०७६, बिहीबार

पशुपतिनाथको सम्पत्ति ९ किलो सुन र १ अर्ब ३० करोड नगद

२३ जेष्ठ २०७६, बिहीबार ०   बिचार / प्रतिक्रिया


काठमाडौं । भगवान पशुपतिनाथ मन्दिर विश्वभरका हिन्दु धर्मावलम्बीका ठूलो  तीर्थस्थल हो । धार्मिक आस्थाका लागि भक्तजनले यस मन्दिरमा मन खोलेर दान गर्छन् । द्रब्य चढाउँछन् ।

सरकारले इतिहासमै पहिलोपटक पशुपतिनाथ मन्दिरको नाममा रहेको चल(अचल सम्पत्तीको विवरण बुधबार सार्वजनिक गरेको छ । पशुपतिनाथको सम्पत्ति संरक्षण तथा गुठी जग्गा अध्ययन एवं छानविन समितिले दश महिना लामो अध्ययन पछि बुधबार प्रतिवेदन सार्वजनिक गरेको हो ।

प्रतिवेदनमा मन्दिरको मुल ढुकुटीमा रहेको सुन, चाँदी तथा जवाहरतको पूर्ण विवरण भने सार्वजनिक गरिएको छैन । सर्वोच्च अदालतले मुल ढुकुटी खोल्न रोक लगाएको छ ।

समितिले २०१९ सालदेखि ७५ सालसम्म अभिलेखित विवरणलाई नै आधार बनाएर सम्पत्तिे विवरण सार्वजनिक गरेको बुधबार राजधानीमा आयोजित कार्यक्रममा जानकारी दिइयो प्रतिवेदनअनुसार पशुपतिना मन्दिरको नाममा ९ किलो सुन तथा ३१६ किलो चाँँदी रहेको छ ।

अहिलेसम्म पशुपतिनाथको नाममा एक अर्व ३० करोड नगद र करिब १८ हजार रोपनी जमिन उपलब्ध रहेको तथ्यांक सार्वजनिक गरिएको छ ।

फेसबुकबाट तपाईको प्रतिक्रिया

सम्बन्धित समाचार