काठमाडौं । सिन्धुपाल्चोकमा कोरोना भाइरस जस्तै लक्षणमा संक्रमित बिरामी भेटिएपछि यसले नेपालको चिन्ता बढाइदिएको छ ।

सिन्धुपाल्चोकको जुगल गाउँपालिकामा सोही रोगसँग मिल्ने प्रकृतिको लक्षण देखिएको भन्दै गाउँपालिकाले रोगको पहिचानका लागि स्वास्थ्य तथा जनसंख्या मन्त्रालयसमक्ष पत्राचार गरेको छ ।

गाउँपालिकाकाको गुम्बा बस्तीमा रुघा, खोकी र अत्यधिक ज्वरोको लक्षण देखिएको छ । यसको प्रकृति ठ्याक्कै कोरोनासँग मिल्छ ।

पछिल्लो समय चीन आफैले बिरामीको चेकजाँच कडा गरेपनि नेपालतर्फको फितलो कार्यान्वयनका कारण सरकारको आलोचना भइरहेको छ ।

त्यसमाथि जुगल गाउँपालिकाको पत्रले भने झस्काइदिएको छ । संक्रमित भेटिएको स्थान चीनसँगको सीमा नजिकै पर्ने स्थान हो ।

तर, यो स्थानबाट नाका खोलिएको भने छैन ।

चीनबाट फैलिएको कोरोनाले अहिलेसम्म १ हजार भन्दा बढी मानिसले ज्यान गुमाइसकेका छन् । ४० हजार भन्दा बढीमा यसको संक्रमण देखिसकेको छ ।