नवलपरासी । पूर्वी नवलपरासीमा भएको सवारी दूर्घटनामा चार जनाको ज्यान गएको छ । नवलपरासीको बुलिङ्गटार गाउँपालिका–३ छरछरेमा ट्रयाक्टर दुर्घटना भएको हो ।
प्रहरीका अनुसार दूर्घटनामा चारजनाको ज्यान गएको छ भने आठजना घाइते भएका छन्। छरछरेबाट ट्याक्टर बुलिङ्गटारतर्फ जाने क्रममा दूर्घटनामा परेको हो ।
लु ४ च २५५६ नम्बरको ट्याक्टर मंगलबार बेलुका दुर्घटनामा परेको हो। प्रहरीका अनुसार स्थानीय २२ वर्षीय नरबहादुर मगर, ५९ वर्षीय यानसिंह सारु मगर, ४० वर्षीय कुलबहादुर थापा र २५ वर्षीय लिलाबहादुर सारु मगरको निधन भएको हो ।
