कुवेत । कुवेतमा काम गर्ने स्थानमा भएको दूर्घटनामा पुरिएर ४ नेपालीको ज्यान गएको छ । अन्य ३ जना घाइते रहेको अन्तर्राष्ट्रिय संचारमाध्यमले लेखेका छन् ।

कुवेतको अल–मुत्ला क्षेत्रको निर्माणस्थलमा बुधबार बालुवा र ग्राभेलसहितको ढिस्को खसेको थियो ।

जसले कामदारहरुलाई पुरेको बताइएको छ । घटनामा ४ नेपाली कामदार परेको बताइएको छ ।

परिचय भने सार्वजनिक गरिएको छैन । घाइतेको उपचार भइरहेको बताइएको छ ।

त्यहाँ चिनियाँ कम्पनीले निर्माणको काम गरिरहेको थियो । समाचार अनुसार निर्माणस्थलको ब्लक ५ मा ढल निर्माणको काम भइरहेको थियो ।

कुवेतमा ठूलो संख्यामा नेपाली कामदारको ज्यान गएको यो पहिलो पटक हो । कुवेत तुलनात्मक रुपमा सुरक्षित गन्तब्य मानिन्छ ।