सप्तरी । एक नेपाली युवाको भारतमा गोली हानी हत्या भएको छ । सप्तरीका डम्बर यादवको भारतमा गोली हानी हत्या भएको प्रहरीले जनाएको छ ।

सप्तरीको बोदेबर्साइन नगरपालिका वडा नम्बर १० खडगपुर अमरैयाका स्थायी बासिन्दा यादवको भारतमा हत्या भएको हो ।

उनी सोही नगरपालिकास्थित ग्यारेजमा काम गर्थे ।

कामको सिलसिलामा भारत गएर नेपाल आउँदै गर्दा उनमाथि गोली प्रहार भएको बताइएको छ । उनी ग्यारेज मालिकको स्कारपीयो चलाएर भारतको झन्झारपुर गएका थिए ।

फर्कने क्रममा गोली प्रहार भ्एको हो । गाडीमा अन्य दुई जना रहेपनि डम्बरलाई मात्र गोली लागेको हो । मोटरसाइकलमा आएका युवाले गोली चलाएर भागेको प्रहरीको भनाई छ ।