काठमाडौं । सरकारले आगामी असारसम्म काठमाडौंमा मेलम्चीको पानी आइसक्ने दावी गरेको छ ।

खानेपानी मन्त्री विना मगरले बिहिवार मन्त्रालयको तर्फबाट स्वेतपत्र जारी गर्दै उक्त दावी गरेकी हुन ।

मन्त्री मगरका अनुसार आयोजनाको कामले गति लिएको छ काठमाडौं उपत्यका भित्र खानेपानी पाइपको सन्जाल बिस्तारको काम उत्तिकै गतिमा भइरहेको छ ।

जसले गर्दा असारसम्म मेलम्चीको पानी काठमाडौं आउने आधार तय भएको छ ।

काठमाडौं उपत्यकामा दैनिक १७ करोड लिटर खानेपानी बितरण गर्ने उद्देश्यले यो आयोजना शुरु भएको हो ।

आर्थिक वर्ष २०५५\५६ बाट शुरु भएको यो आयोजनामा अहिलेसम्म २७ अर्ब खर्च भइसकेको छ ।

चालू आवमा मात्र ७ अर्ब ३८ करोड बजेट आयोजनाका लागि छुट्टाइएको छ ।