मनोरञ्जन

आज भ्यालेन्टाइन डे, प्रेम दिवसका रुपमा मनाइदै

काठमाडौं । आज १४ फेब्रुअरी, विश्वभर भ्यालेन्टाइन डे अर्थात् प्रेम दिवसका रुपमा यस दिनलाई मनाइदैछ ।

प्रेमिल जोडीहरुले एक अर्काको माया साटासाट गर्ने दिनका रुपमा यस दिनलाई एक पर्वकै रुपमा मनाउन थालेका छन् ।

नेपालमा पछिल्ला दिनमा यो दिवस मनाउन थालिएको छ । युवायुवतीहरु एक अर्कालाई उपहार, गुलाफ दिएर यो पर्व मनाउँछन् ।

आफ्नो प्रेमी प्रेमिका तथा श्रीमान श्रीमतीसाग साथमै रहने तथा माया भाव दर्शाउने गरी यो दिवसले अहिले बिस्तार रुप लिएको छ ।

मन परेको व्यक्तिलाई ‘ह्याप्पी भ्यालेन्टाइन डे’ भन्दै प्रेम प्रस्ताव राख्ने पनि उत्तिकै भेटिन्छ । यस पर्वका कारण राजधानीमा गुलाव पसलहरुमा यसको खरीद बिक्रि निकै हुने गर्छ ।

राजधानीका रेष्टुरेन्ट र डान्सबार पनि जोडीहरुका कारण भरिभराउ हुन्छन् ।

भ्यालेन्टाइन डेको सुरुवात इस्वी संवत् २६९ मा रोमनबाट सुरु भएको मानिन्छ । सैनिकले नारीसँगको सम्बन्धका कारण कमजोर हुने आभास गरेपछि तत्कालिन सम्राटले प्रेम र विवाहमा रोक लगाएका थिए।

तर, रोममा भ्यालेन्टाइन नाम गरेका पादरीले सम्राटको त्यो अभियानलाई सार्वजनिक रूपमै उल्लङ्घन गर्ने घोषणा गरेका थिए ।