बढ्न थाल्यो तापक्रम, तराईमा गर्मी शुरु
Vishwanews.com
16 February, 2020काठमाडौं । काठमाडौं उपत्यकासहित देशभर तापक्रम बढ्न थालेको छ ।
पछिल्ला केही दिनयता तापक्रम वृद्धि भइरहेको मौसम पुर्वानुमान महाशाखाले जनाएको छ ।
महाशाखाका अनुसार तराइ भेगमा गर्मी शुरु भइसकेको छ ।
काठमाडौं उपत्यका सहित पहाडी र हिमाली भेगमा समेत तापक्रम बढ्दो क्रममा रहेको छ ।
कुनै मौसमी प्रणाली विकसित नभए तापक्रम विस्तारै बढ्दैँ जाने महाशाखाको भनाइ छ ।
फेब्रुअरीको अन्त्यसम्म मात्र तापक्रम हल्का चिसो हुने र त्यसपछी पुर्णतया गर्मी शुरु हुनेछ ।
अहिले भने जाडो मौसमको अन्य भएका कारण बिहान बेलुका बढी चिसो महसुस हुने र दिउँसोको समयमा गर्मी हुने हुन्छ ।
अहिलले देशका पूर्वी, मध्य र केही पश्चिमी पहाडी भू–भागमा आङ्शिकदेखि सामान्य बदली र बाँकी भू–भागमा मौसम सामान्यतया सफा रहेको छ।
मौसम पूर्वानुमान महाशाखाको पछिल्लो विवरणअनुसार काठमाडौं उपत्यकाको न्यूनतम तापक्रम ६.० डिग्री र अधिकतम तापक्रम २१.८ डिग्री सेल्सियस रहेको छ
दिपालयको न्युनतम तापक्रम ९.८ डिग्री र अधिकतम तापक्रम २९.१ डिग्री सेल्सियस, धनगढीको न्यूनतम तापक्रम १०.० डिग्री र अधिकतम तापक्रम २०.० डिग्री सेल्सियस रहेको छ ।
यसैगरी सिमराको न्युनतम तापक्रम १०.६ डिग्री र अधिकतम तापक्रम २६.२ डिग्री सेल्सियस रहेको छ ।
