28-Mar-2020 | १५ चैत्र २०७६, शनिबार

शिवमाया बनिन् कानूनमन्त्री

५ फाल्गुन २०७६, सोमबार ०   बिचार / प्रतिक्रिया


काठमाडौं । सोमबार एक संयोग मिल्यो, जुन दिन पूर्वसभामुख कृष्ण बहादुर महराले अदालतबाट सफाई पाए, सोही दिन उनकै कार्यकालकी उपसभामुख शिवमाया तुम्बाहाङ्फेले मन्त्रालयको जिम्मेवारी पाएकी छिन् ।

उनलाई प्रधानमन्त्री केपी शर्मा ओलीले कानून, न्याय तथा संसदीय मामिला मन्त्रालयको जिम्मेवारी दिएका हुन् ।

मन्त्री तुम्बाहाङ्फेले सोमबार नै पद तथा गोपनीयताको सपथ ग्रहण गरेकी छिन् ।

उक्त अवसरमा उनले आफू देशको आवश्यकता अनुसार कानून मन्त्रालयको जिम्मेवारीमा आएको बताइन् ।

कृष्ण बहादुर महराले राजिनामा दिएपछि रिक्त भएको सभामुख पदमा शिवमायाले दावि गरेकी थिइन् ।

तर, नेकपाले सभामुखमा अग्नी प्रसाद सापकोटालाई नियुक्त गरेसँगै उनले उपसभामुख पदबाट राजिनामा गरेकी थिइन् ।

तुम्बाहाङ्फेलाई सोमबार प्रधानमन्त्री केपी शर्मा ओलीको सिफारिसमा राष्ट्रपतिले कानूनमन्त्री नियुक्त गरेकी हुन् ।

उनले सोमबार नै सपथ लिएर पदभार समेत लिइन् । पदभार सम्हालेपछि बोल्दै कानूनमन्त्री तुम्बाहाङफेले मौलिक हकसँग जोडिएका ऐन बनेको र अब नियमावली बनाउनु काम आफ्नो प्राथमिकतामा रहने बताइन् ।

उनले उपसभामुखबाट राजीनामा दिँदा कानून मन्त्रालय दिने योजनामा सहमती भएको थियो ।

यद्दपी उनले आफू देशको आवश्यकताका आधारमा मन्त्री भएको उनले बताइन् ।

Loading...

फेसबुकबाट तपाईको प्रतिक्रिया

सम्बन्धित समाचार