28-Mar-2020 | १५ चैत्र २०७६, शनिबार

अमेरिकन आइडलमा नेपाली युवाको दमदार इन्ट्री

६ फाल्गुन २०७६, मंगलवार ०   बिचार / प्रतिक्रिया


काठमाडौं । विश्वचर्चित गायन प्रतियोगिता अमेरिकन आइडलको १८ औं संस्करण नेपालीका खास हुनेवाला छ । किनकी यस प्रतियोगितामा सहभागीमध्ये एक जनाले अब प्रारम्भ मै भन्दैछन्, नमस्ते ।

उनको यो अभिवादन नै उनको परिचयका लागि पर्याप्त छ । उत्कृष्ट स्वर र गायन शैली भएका व्यक्तिले मात्र छनोट हुन सक्ने यो कठिन प्रतिस्पर्धामा यस पटक नेपाली युवा दिवेश पोखरेलले अमेरिकन आइडलमा धमकेदार इन्ट्री गरेका छन् ।

पहिलो भाग सुरू भएलगत्तै अडिसनका दौरान सामान्य अमेरिकीभन्दा फरक अनुहारका व्यक्तिले निर्णयकलाई नमस्ते भन्दै उपस्थित भएसँगै उनले प्रस्तुती पनि उत्कृष्ट नै गरेका छन् ।

चर्चित अमेरिकी गायक लियोनेल रिचीले सोधेको परिचयमा उनले आफू नेपाली नागरिक रहेको बताए ।

उनले आफ्नो नाम दिवेश पोखरेल बताए भने काठमाडौं घर भएको परिचय समेत दिए । उनी २१ वर्षीय हुन् ।

जजको भूमिकामा रहेकी लोकप्रिय गायिका क्याटी पेरीले उनको नामको अर्थ सोधेकी थिइन् ।

उनले आफ्नो नामको अर्थ प्रकाश भनेर अथ्र्याए । दिवसले पहिलो इन्ट्रीमै जजको मन जित्न सफल भएक छन् । यसले आगामी दिनमा अझ प्रगति गर्ने अपेक्षा गरिएको छ ।

Loading...

फेसबुकबाट तपाईको प्रतिक्रिया

सम्बन्धित समाचार