काठमाडौं । विश्व स्वास्थ्य संगठनले स्वास्थ्य आपतकाल घोषणा गरेको कोरोना भाइरसका कारण मर्नेको संख्या २ हजार नाघेको छ । यसको ठूलो संख्या चीनमा रहेको छ ।

चीनको वुहान शहरबाट फैलिएको यो रोगले मृत्यु हुनेको संख्या दुई हजारको आंकडा पार गरेको संचारमाध्यमले लेखेका छन् ।

कोरोनाबाट ७५ हजार मानिस संक्रमित भएका छन् । त्यसमध्ये चीनमा दुई हजार एक जना र चीनबाहिर चार जना गरी कूल दुई हजार पाँच जनाले ज्यान गुमाइसकेका छन् ।

चीन बाहिर फिलिपन्स, हङकङ, जापान र फ्रान्समा थप एक÷एक जना जनागरिकको मृत्यु भएको हो ।

पछिल्लो २४ घण्टामा १ सय ३२ जनाले ज्यान गुमाएका छन् । यसमध्ये कतिपय उपचारमा संलग्न चिकित्सक समेत रहेको बताइएको छ ।

यो रोगले चीनलाई नराम्रोसँग प्रभवित बनाएको छ । उक्त मुलुकको अर्थतन्त्रलाई समेत कोरोनाले ठूलो क्षति गरेको छ ।
एजेन्सी