28-Mar-2020 | १५ चैत्र २०७६, शनिबार

श्रीमानको बर्दी लगाएर टीकटकमा अभिनय गरेपछि…

११ फाल्गुन २०७६, आईतवार ०   बिचार / प्रतिक्रिया


काठमाडौं । प्रहरी बर्दीमा टिकटक भिडिओ भाइरल भएपछि महानगरीय प्रहरी कार्यालय रानीपोखरीले सई रत्नबहादुर थापामाथि कारबाही थालेको छ ।

उनीमाथि विभागीय कारवाहीको तयारी भएको कार्यालयले जनाएको छ । भक्तपुरस्थित सुँडाल प्रहरी कार्यालयका इञ्चार्ज रहेका उनको स्थानमा कार्यालयले सई राजु प्रसाईंलाई खटाएको छ ।

वास्तवमा आफैले टिकटक बनाउनुभन्दा पनि श्रीमतीले श्रीमानको बर्दी लगाएर टिकटकमा अभिनय गरी श्रीमानकै आइडीबाट टीकटकमा अपलोड गरेपछि थापामाथि विभागीय कारवाही हुने भएको हो ।

थापाले आफूले टिकटक नै नचलाउने प्रतिक्रिया विभिन्न संचारमाध्यममा दिएका छन् । तर, उनको भिडियो श्रीमतिले सार्वजनिक गरिदिएपछि उनीमाथि फसाद आइपरको हो ।

प्रहरी बर्दीको दुरुपयोगको कारवाही उनीमाथि हुनेछ । किनकी उनले आफ्नो बर्दी श्रीमतीलाई लगाउन दिएको खुलेको छ ।

भिडिओमा दिलु मगरले पेस्तोल हातमा लिएर अभिनय गरेको देखिन्छ। अर्को भिडिओमा रत्नबहादुर र दिलुसँगै बसेर खिचिएको र भिडियो प्रहरी कार्यालय भित्रैको देखिएको छ ।

त्यसकारण पदको दुरुपयोग भएको पाइएको कार्यालय स्रोतको भनाई छ । पछिल्लो समय धेरै महिला तथा किशोर किशोरी टिकटकको लतमा फसिसकेका छन् ।

Loading...

फेसबुकबाट तपाईको प्रतिक्रिया

सम्बन्धित समाचार