Epapers :

21-Sep-2019 | ४ आश्विन २०७६, शनिबार

काठमाडौंमा एकाबिहानै हावाहुरी आतंक

२४ जेष्ठ २०७६, शुक्रबार ०   बिचार / प्रतिक्रिया


काठमाडौं । बिहीबार साँझ र शुक्रबार बिहानै देशका विभिन्न स्थानमा हावाहुरी र वर्षाले जनजीवन प्रभावित भएको छ । काठमाडौं उपत्यकामा शुक्रबार बिहानै भिषण हावाहुरी चल्यो ।

हावाहुरीका कारण मावनीय क्षति नभएको प्रहरीले जानकारी दिएको छ । उता, विहीबार साँझ कैलाली र त्यस आसपास आएको हावाहुरीका कारण २ जनाको मृत्यु भएको प्रहरीले बताएको छ । धेरै घरहरुमा क्षति पुगेको छ । दर्जनौं मानिस घाइते भएका छन् ।

मौसम पूर्वानुमान महाशाखाका अनुसार आगामी तीन दिनसम्म पनि देशका विभिन्न स्थानको मौसम पूणतया सफा हुने छैन । मौसम बदली भइरहने र मेघ गर्जनसहित पानी पर्ने सम्भावना रहेको महाशाखाले जानकारी दिएको छ ।

देशका उच्च हिमालि भेगमा हिमपातको संभावना समेत महाशाखाले औल्याएको छ । पश्चिमी भागमा बढी वर्षातको सम्भावना रहेको महाशाखाको भनाई छ ।

राति देशका अधिकांश स्थानहरूमा आंशिक देखि सामान्य वदली रही पश्चिमी पहाडी  स्थानहरुमा र मध्य तथा पुर्वीका केही स्थानहरुमा मेघ गर्जन सहित वर्षाको सम्भावना रहेको महाशाखाले जानकारी दिएको छ

फेसबुकबाट तपाईको प्रतिक्रिया

सम्बन्धित समाचार