काठमाडौं । नेपालस्थित अमेरिकी दूतावासमा काम गर्ने कर्मचारीको भेषमा ठगी धन्दा गर्ने एक जना पक्राउ परेका छन् ।
कर्मचारीको दाबी गर्दै ठगी गर्ने केदार खड्का पक्राउ परेका हुन् । सिन्धुपाल्चोक घर भइ हाल काठमाडौंको कागेश्वरी मनोहरा–७ मा बस्ने ४१ वर्षीय खड्काले आफूलाई विकासका नाममा चिनाउने गरेको प्रहरीले उल्लेख गरेको छ ।
महानगरीय अपराध अनुसन्धान महाशाखाका अनुसार उनी बिहीबार दिउँसो पक्राउ परेका थिए ।
दूतावासको ‘एक्जुकेटिभ म्यानेजर’ भएको भन्दै लाखौ ठगिसकेको उनीबारे विस्तृत अनुसन्धान भइरहेको प्रहरीको भनाई छ ।
उनको अनुसन्धानबाट थप तथ्य पत्ता लाग्ने अनुमान प्रहरीको छ ।
