काठमाडौं । प्रदेश नम्बर १ का मुख्यमन्त्री शेरधन राई अविवाहित छन् । तर, एक जना महिलाले उनी आफ्नो पति भएको र नाता कायम गरिपाउँ भन्दै अंश मुद्दा दायर गरेकी छिन् ।
दोलखाकी बालिका खड्काले राईमाथि अंश मुद्दा दायर गरेकी हुन् । काठमाडौं जिल्ला अदालतमा उनले नाता कायम गरी अंश दिलाई पाऊँ भन्दै मुद्दा दायर गरेको अदालतले पुष्टी गरेको छ ।
मुख्यमन्त्री राईले शारीरिक यातना दिएको तथा यौन दुर्व्यवहार गरी घरेलु हिंसा गरेको आरोप समेत उनले लगाएकी छन् ।
खड्काका अनुसार उनले सञ्चार मन्त्री भएका बेला राईले राजधानीको गोल्फुटारमा कोठा लिई राखेका थिए ।
आफूहरु २०७१ सालदेखि सँगै रहेको समेत उनको दावि छ । आफुमाथि भएको अन्यायबारे नेकपाका नेताहरुले समेत वेवस्था गरेको उनको भनाई छ ।
