02-Jul-2020 | १८ असार २०७७, बिहीबार

अर्थमन्त्री खतिवडाले दिए राजिनामा, बुधबार नै पुनः नियुक्ति गर्ने तयारी

२० फाल्गुन २०७६, मंगलवार ०   बिचार / प्रतिक्रिया


काठमाडौं । अर्थमन्त्री डा. युवराज खतिवडाले पदबाट राजीनामा दिएका छन् । आज राती मंगलबारबाट उनको राष्ट्रिय सभा सदस्यको पदावधी सकिएको छ । सोहीसँगै उनले आफ्नो पदबाट राजिनामा दिएका हुन् ।

उनले पदबाट दिएको राजिनामा राष्ट्रपति कार्यालयमा पठाइएको छ । खतिवडा र प्रधानमन्त्री केपी शर्मा ओलीबीच मंगलबार भेटवार्ता भएको थियो ।

पुनः मिर्गौला प्रत्यारोपणका लागि त्रिवि शिक्षण अस्पतालमा भर्ना भएका प्रधानमन्त्री ओलीलाई भेटेर अर्थमन्त्री फर्किएका थिए । उनले राजिनामा गरेपनि पुनः अर्थमन्त्रीमा नियुक्ति हुँदैछन् ।

यो पद आगामी ६ महिना कायम रहनेछ । त्यसपछि भने उनी स्वतः बिदा हुने भएका छन् ।

संविधानको धारा ७८ अनुसार संघीय संसदको सदस्य नभएको व्यक्तिलाई मन्त्री नियुक्त गर्न सकिनेछ । र, यसरी नियुक्त मन्त्रीले सपथ लिएको ६ महिनाभित्र संघीय संसदको सदस्यता पाइसक्नु पर्नेछ ।

अर्थमन्त्रीको पुननियुक्ति र सपथसमेत बुधबार हुने स्रोतको भनाई रहेको छ ।

Loading...

फेसबुकबाट तपाईको प्रतिक्रिया

सम्बन्धित समाचार