काठमाडौं । काठमाडौं उपत्यकामा कोरोनाबारे सचेतना तीव्र बनाइएको छ । विभिन्न कार्यालयले आफ्ना कर्मचारीलाई भित्र प्रवेश गराउने बेला ज्वरो नाप्न थालिएको छ ।

मंगलबार धेरै जसो ठूला कार्यालयका कर्मचारीले ज्वरो नापेको फोटो सामाजिक संजालमा सार्वजनिक गरेका छन् ।

यता, चपक्रथमा गुड्ने विजुली बसमा समेत यात्रुको ज्वरो नाप्न थालिएको छ । यो बस सुन्दर यातायातले चलाएको हो ।

एउटा ढोकाबाट चढ्ने र अर्को ढोकाबाट झर्ने मात्रै बनाइएको र बसमा चढ्दा ज्वरो नाप्ने गरिएको छ ।

बिएके कम्पनीले चीनका विभिन्न सहर तथा आफ्ना गाडी चल्ने थाइल्यान्ड, मकाउ, अमेरिकालगायत देशमा पनि यस्ता इन्फ्रारेड थर्मोमिटर पठाएको छ ।

सोही थर्मोमिटर प्रयोग गरी ज्वरो नाप्न लागिएको छ । यता, वायुसेवा कम्पनीले समेत अब ज्वरो आएका व्यक्तिलाई हवाई यात्रा नगर्न र विमानस्थलमा नआउने सचेत गराएका छन् । मंगलबार विज्ञप्ती जारी गर्दै वायुसेवा कम्पनीहरुले यस्तो सचेतना सार्वजनिक गरेका हुन् ।