काठमाडौं । बुधबार सुनको मूल्यले कीर्तिमान कायम गरेको छ । बुधबार ८० हजार ५ सयमा कारोबार भएको सुनको मूल्य एकै दिनमा २२ सय रुपैयाँले बढेको हो ।

८० हजार ५ सयमा पुग्दा बुधबार सुनको मूल्यले अहिलेसम्म कै उच्च रेकर्ड कायम गरेको छ । मंगलबार छापावाला सुन प्रतितोला ७८ हजार ३ सयमा कारोबार भएको थियो।

यसअघि फागुन १२ मा सुनको मूल्यले प्रतितोला ८० हजार ३ सयमा पुगेर नयाँ किर्तिमान बनाएको थियो।

बुधबार तेजाबी सुनको मूल्य ८० हजार २ सयमा कारोबार भएको नेपाल सुनचाँदी व्यवसायी महासंघले जानकराी दिएको छ ।

चाँदीको मूल्य प्रतितोला ८ सय ८० रुपैयाँ कायम भएको छ ।

मंगलबार अन्तर्राष्ट्रिय बजारमा प्रतिऔंस १५ सय १६ अमेरिकी डलरमा कारोबार भएको सुनको मूल्य बुधबार प्रतिऔंस १६ सय ४२ अमेरिकी डलरमा पुगेको छ।