लण्डन । कोरोना भाइरसले बेलायतमा एक जनाको ज्यान लिएको छ । बेलायतमा एक ७० वर्षिय वृद्धाको ज्यान गएको हो ।

उनी बेलायतमा यस रोगको संक्रमणबाट निधन हुने पहिलो व्यक्ति हुन् । बेलायती स्वास्थ्य मन्त्रालयका अधिकारीले यसको पुष्टी गरेका छन् । अघिल्लो बुधबार अस्पताल भर्ना भएकी उनको बिहीबार ज्यान गएको हो ।

बेलायतमा कोरोना संक्रमित एक सय १६ पुगिसकेका छन् । बेलायती अधिकारीहरुका अनुसार देशमा कोरोनाको संक्रमण चिन्ताजनक रुपमा फैलिरहेको छ ।

पछिल्लो २४ घण्टामा ३० भन्दा बढी संक्रमित बढेसँगै बेलायतमा चिन्ता अझ बढाइदिएको हो । संसारभर ९० हजार मानिसलई यस रोगले संक्रमित पारेको छ ।