काठमाडौं । पश्चिमी न्युनचापीय प्रणाली प्रवेश गरेका कारण आज देशका अधिकांश स्थानमा वर्षा हुने भएको छ । काठमाडौं उपत्यकासहित मध्य र पूर्वका केही स्थानमा हल्का पानी पर्ने जल तथा मौषम विज्ञान विभागले जनाएको छ ।

शनिबार दिनभर जसो पानी पर्नेछ । शनिबार दिउँसो काठमाडौं उपत्यकासहित देशका अधिकांश पहाडी भू–भागमा मेगगर्जन हावाहुरी र चट्याङसहित पानी पर्ने सम्भावना रहेको छ ।

राजधानीमा शुत्रबार रातीबाटै पानी पर्न लागेको हो । उच्च पहाडी तथा हिमाली भेगमा भने हिमपात हुनेछ।

शुक्रबार काठमाडौंको चन्द्रागरि लगायत उच्च डाँडाहरुमा भने बाँक्लो हिँउ परेको थियो ।

फागुन अन्तिमको गर्मीमा समेत हिँउ परेपछि शुक्रबार चन्द्रागिरि पुग्नेहरु दंग देखिएका थिए ।

काठमाडौं उपत्यकामा शुक्रबार राति पनि पानी २ मिलिमिटर वर्षा मापन भएको महाशाखाको तथ्यांक छ ।

शनिबार बिहान काठमाडौं उपत्यकाको न्युनतम तापक्रम ९ दशमलव ८ डिग्री सेल्सियस कायम देखिएको छ ।

पानी परेपनि काठमाडौंमा भने तापक्रम घट्नै देखिएको छैन । तर, हिमाली र उच्च पहाडी भेगमा भने चिसा बढाउने भएको छ ।

वर्षासँगै बैतडीको उच्च भेगमासमेत ठूलो हिमपातले जनजीवन प्रभावित भएको छ ।