कोरोना भाईरसको कारण परिस्थिती बिग्रिदै गएपछि न्युयोर्कका गभर्नर एन्ड्रु कुमोले राज्यमा संकटकालको घोषणा गरेका छन् ।शुक्रबारसम्म न्युयोर्क राज्यमा ४४ जनामा कोरोनाको संक्रमण देखिएकोमा शनिबार दिऊसोसम्म न्युयोर्कमा उक्त संख्या ह्वातैबढेर ७६ जनामा संक्रमण देखिएको छ ।संक्रमितको संख्यामा नाटकीय रुपमा बृद्धि भएपछि गभर्नर कुमोले हरेक अस्पतालको श्रोत साधनको बृद्धिको लागि संकटकाल घोषणा गरेका हुन । सुरुमा वेस्ट्चेस्टर काउन्टीस्थित एक कानून ब्यवसायी (वकिल) लाई देखिएको संक्रमण हाल म्यानहाटनका ११ जनामा र क्विन्सस्थित एक जनामा पनि देखिएको छ ।
अमेरिका भरी अहिले ३६६ जनामा संक्रमण देखिएको छ भने १७ जनाको कोरोनाको कारण ज्यान गएको छ ।
