Epapers :

24-Jun-2019 | ९ असार २०७६, सोमवार

१२ बर्षकी केटी उबर लिएर आत्महत्या गर्न गएपछि

२५ जेष्ठ २०७६, शनिबार ०   बिचार / प्रतिक्रिया


ओर्लेण्डो फ्लोरिडामा १२ बर्षिया बेनिटा डायमोण्डले एक्लै उबर कार चढेर गई आत्महत्या गरेपछि ड्राईभर र कम्पनी समस्यामा परेका छन् । बेनिटाले आफ्नो आमाको फोनबाट उबर एप्स डाउनलोड गरेर आफूले क्रिष्टमसमा पाएको गिफ्ट कार्ड प्रयोग गरी मध्य रातमा उबर कार बोलाएकी थिईन् । 

उनले उबरमा गाडी गराजको गन्तब्य राखेकी थिईन् । जहाँ पुगेर माथिबाट तल हाम्फालेर आत्महत्या गरेकी हुन् । मृतक बालिकाका पिता रोनाण्ड डायमण्डले यस घटनामा कम्पनीलाई दोष दिएका छन् । उनको दाबी छकि कानून बमोजिम कम्पनीले बालिग नभै संरक्षकको मञ्जुरी बिना एक्लै सवारीमा लिन पाईदैन । उनले भनेका छन् “उबरले नियमानुसार गरेको भए मेरो छोरी अहिले मेरो अगाडी हुन्थ्यो” ।

बालिकाले मर्नु अघि नोट लेखेकी थिईन् “फर्किनै नमिल्ने बाटो जाँदैछु” । पिताले भावविह्वल हुँदै थपे “मेरो छोरीले त्यही गरी, जुन कसैले गर्दैन, न मैले गरें” । 

उबरका प्रबक्ताले यस बिषयमा उचित कदम चालिने बताएका छन् भने बालिकाकी आमा लिसा चेनले यस बिषयमा कडा नियम लागू नभए अरूले पनि यस्तो दुखद नियती भोग्न सक्ने बताएकी छिन् । 

यस घटनापछि उबर ड्राईभरहरुले बालबालिकालाई मात्र सवारीमा लिनु अघि सोच्नु पर्ने भएको छ । अमेरिकामा राज्य अनुसार नियम फरक हुनसक्ने भएकोले सम्वन्धित उबर कार्यालयबाट जानकारी लिनूपर्ने हुन्छ ।

एजेन्सी ।

फेसबुकबाट तपाईको प्रतिक्रिया

सम्बन्धित समाचार