न्यूयोर्क ।

अमेरिकी राष्ट्रपति डोनाल्ड ट्रम्पले सोमबार देखि मेक्सिकोलाई लगाउने भनेको अतिरिक्त भन्सार स्थगित गरेको जनाएका छन् । आप्रबासी सम्बन्धि मुद्धामा मेक्सिको सहमतिमा आएसँगै अतिरिक्त भन्सारको निर्णय आफुले फिर्ता लिएको ट्रम्पले जनाएका हुन् । ‘म यो सूचित गर्न चाहन्छु कि संयुक्त राज्य अमेरिका र मेक्सिको बिच एक सहमतिमा हस्ताक्षर भएको छ, जस अनुसार सोमबारबाट मेक्सिकन उत्पादनमा लगाउने भनिएको अतिरिक्त भन्सार अब कार्यान्वयन हुनेछैन’ ट्रम्पले ट्विट गर्दै भनेका छन् । त्यसको बदलामा मेक्सिकोले आफ्नो भूमी भएर अमेरिका छिर्ने आप्रबासीलाई कडाइ गर्ने ट्रम्पको दावी छ । मेक्सिकोले खुकुलो नीति लिँदा दक्षिणी सीमाबाट गैर कानुनी आप्रबासी बढेको आरोप लगाउँदै ट्रम्पले मेक्सिकन उत्पादनलाई अतिरिक्त कर लगाउने घोषणा गरेका थिए