पिट्सबर्ग । कोरोना भाइरसले संसारभर यात्रा कठिन बनाएपछि यस अवधिमा निर्धारित महत्वपूर्ण बैठकहरुसमेत प्रभावित भएका छन् ।

अमेरिकाको पिट्सबर्गमा यसै महिना आयोजना गरिएको जी–७ देशहरुको मन्त्रीस्तरीय बैठकमा अब मन्त्रीहरु आफै सहभागी नहुने भएका छन् ।

त्यसका लागि अत्याधुनिक प्रविधिको प्रयाग गरी मन्त्रीहरु भिडियो कन्फ्रेन्समा बस्ने भएका छन् ।

बैठक मार्च २४ र २५ तारिखमा आयोजना हुँदैछ । उक्त बैठक अब भिडियो कन्फ्रेन्समार्फत् हुने भएको हो ।

संसारभर यससमय ठूल्ठला सभा सम्मेलन तथा बैठकहरु रद्द भएका छन् । मानिसहरुलाई एकै स्थानमा भेला नहुन आह्वान गरिएको छ ।

तर, जी ७ बैठक भने भिडियोका माध्यमबाट चल्ने भएको छ । अमेरिकाको लस स एन्जलेन्समा जून महिनामा हुने ई–३ एक्स्पो समेत रद्द भएको छ ।