कर्नाटक । नेपालको छिमेकी मुलुक चीनबाट शुरु भएको कोरोना भाइरसले अर्को छिमेकी मुलुक भारतमा पनि ज्यान लिएको छ ।

भारतको कर्नाटकमा ७६ वर्षीय एक व्यक्तिको कारोना संक्रमणका कारण ज्यान गएको भारतीय अधिकारीहरुले पुष्टी गरेका छन् । भारतको स्वस्थ्य मन्त्रालयले विज्ञप्ति जारी गर्दै कारोना संक्रमित एक जनाको मृत्यु भएको पुष्टि गरेको हो ।

मन्त्रालयका अनुसार ती व्यक्ति २९ जनवरी २०२० देखि २९ फेब्रुअरी २०२० सम्म साउदी अरब बसेर घर फर्किएका थिए ।

घर फर्किएसँगै श्वासप्रश्वास र निमोनियाबाट ग्रस्त भएका थिए । त्यसपछि अस्पताल पुगेका उनलाई कोरोना संक्रमण पुष्टी गरेको छ ।

कर्नाटक राज्यको स्वास्थ्य तथा परिवार कल्याण विभागले सबै दिशानिर्देशनहरूको पालना गरिएको जनाउँदै ती व्यक्तिको सम्पर्कमा पुगेका सबैलाई ल्याउने प्रयास भइरहेको जनाएको छ ।

भारतमा ७४ मानिसमा कोरोना भाइरस देखिएको छ । पछिल्लो २४ घण्टामा थप १२ जना बिरामी थपिएका छन् ।