स्वास्थ्य

औषधी र ग्यास अतिरिक्त किन्न नपर्ने सरकारको स्पष्टिकरण

काठमाडौं । सरकारले औषधी र ग्यासको पर्याप्त मौज्दाद रहेको भन्दै अतिरिक्त किनेर स्टोर नगर्न सर्वसाधारणसँग आग्रह गरेको छ ।

कोरोनाको संक्रमण भित्रने त्रासमा सर्वसाधारणले औषधी र ग्यासको अतिरिक्त भण्डारण गर्न थालेपछि सरकारी निकायले यसरी मौज्दाद घरमा नगर्न सचेत गराएका हुन् ।

औषधी व्यवस्था विभागले मानिसहरुले आवश्यकता भन्दा बढी औषधी खरिद गरेको देखिएको जानकारी गराएको छ ।

आवश्यकता भन्दा धेरै खरिद गर्दा बजारमा औषधी नै नपाउने अवस्था देखिएको विभागको भनाई छ ।

विभागसँग अझै ६ महिनालाई पुग्ने अत्यावश्यक औषधी रहेको बताइएको छ । उता, नेपाल आयल निगमले समेत बजारमा नियमित आपूर्ति भइरहेका कारण भण्डारण नगर्न सर्वसाधारणसँग आग्रह गरेको छ ।

ग्यासको अतिरिक्त भण्डारण बढेपछि बजारमा ग्यास सिलिण्डर नै नपाउने अवस्था सिर्जना भएको छ ।

आपूर्ति व्यवस्थ प्रभावित नभएको र नहुने भन्दै उपभोक्तलाई अतिरिक्त भण्डारण नगर्न आग्रह गरिएको हो ।

नेपालमा नाकाबन्दीका बेला सरकारले आपूर्ति सहज गर्न नसकेको डर नागरिकमा छ ।

सोहीकारण कोरोना भाइरसको संक्तमण पछि भारतले नाकाबन्दी गर्ने र त्यसले आपूर्ति प्रभावित हुने डर नागरिकमा छ । तर, सरकारले भने यो पटक आपूर्ति व्यवस्था प्रभावित नहुने स्पष्ट पारिसकेको छ ।