काठमाडौं । नेपालकै पहिलो स्ट्यान्ड–अप कमेडी रियालिटी शो ‘कमेडी च्याम्पियन’बाट धादिङका हिमेश पन्त विजयी भएका छन् ।
उनले २५ लाख नगद, कारसहित उपाधी समेत जिते । शनिबार सम्पन्न फाइनलमा उनले दुई प्रतिस्पर्धीलाई उछिनेका हुन् ।
फाइनलमा तीनजना बीच प्रतिस्पर्धी गराइएको थियो । फाइनलमा गेष्टको रुपमा वरिष्ठ कलाकार मदनकृष्ण श्रेष्ठ र हरिवंश आचार्य रहेका थिए ।
उनले सुमन कोइराला र खड्गबहादुर पुन मगरलाई हराउँदै उपाधी जितेका हुन् । नेपालमा पहिलो पटक आयोजना गरिएको यो टेलिभिजन शो सर्वाधिक रुचाइएको कार्यक्रममा पर्न सफल भएको थियो ।
