04-Jul-2020 | २० असार २०७७, शनिबार

आज नेकपा सचिवालय बैठक, प्रधानमन्त्रीसमेत सहभागी हुने

५ चैत्र २०७६, बुधबार ०   बिचार / प्रतिक्रिया


काठमाडौं । प्रधानमन्त्री केपी शर्मा ओलीले दोस्रो पटक मिगौला प्रत्यारोपण गरेपछि आज पहिलो पटक नेकपाको सचिवालय बैठक बस्ने भएको छ । प्रधानमन्त्री निवास बालुवाटारमा आज अपरान्ह ४ बजे बैठक बोलाइएको छ ।

बैठकमा प्रधानमन्त्री केपी शर्मा ओलीसमेत सहभागि हुने बताइएको छ । २१ फागुनमा मिगौला प्रत्यारोपण पछि प्रधानमन्त्री १२ दिनपछि डिस्चार्ज भएका थिए ।

त्यसपछि उनी औपचारिक कार्यक्रममा भाग लिइरहेका छन् ।

नेकपाका अध्यक्ष प्रचण्डले नेकपाको सचिवालय बैठक बोलाएका हुन् । बैठकले कोरोना रोग विरुद्ध एकजुट भएर सक्रिय हुन नेकपाले कार्यक्रतालाई निर्देशन दिने तयारी गरिएको छ ।

यसअघि १८ फागुनमा बसेको बैठकमा प्रधानमन्त्रीले आफ्नो मिर्गौला प्रत्यारोपणको तयारीबारे जानकारी गराएका थिए ।

आज एमसीसीका विषयमा समेत नेकपा भित्र छलफल हुने सम्भावना रहेको बताइएको छ । एमसीसी पास गर्ने वा नगर्ने भन्ने विषयमा नेकपा भित्रै तिब्र विवाद रहेको छ ।

नेकपाकै उच्चस्तरीय समितिले संशोधन नभएसम्म एमसीसी पास नगर्न सरकारलाई सुझाव दिइसकेको छ ।

Loading...

फेसबुकबाट तपाईको प्रतिक्रिया

सम्बन्धित समाचार