06-Aug-2020 | २२ श्रावण २०७७, बिहीबार

कोरोनाविरुद्ध सरकारको कडा निर्णय, देश करीव लकडाउन

५ चैत्र २०७६, बुधबार ०   बिचार / प्रतिक्रिया


काठमाडौं । सरकारले यूरोप, मध्य एसिया र खाडी क्षेत्रका नागरिकलाई नेपाल आउन प्रतिवन्ध लगाउँदै करीव लकडाउन घोषणा गरेको छ ।

यसअघि अनअराइभल भिसा मात्र रोकिएकोमा अब यी मुलुक र यी मुलकमा ट्रान्जिट भएर आउने संसारकका सबै मुलुकका नागरिकले अब नेपालमा प्रवेश पाउने छैनन् ।

बुधबार बसेको कोभिड १९ रोकथाम तथा नियन्त्रण उच्चस्तरीय समन्वय समितिको बैठकले यस्तो निर्णय गरेको हो ।

सरकारले भारतसँगको सीमा नाका पनि सबै बन्द गर्ने तयारी गरेको छ । यद्दपी बुधबार यसको निर्णय भएको छैन । बिहीबार भारतसँगको समन्वयमा सीमा नाका बन्द गर्ने तयारी गरिएको छ ।

अब होटेल, सार्वजनिक यातायात तथा अन्य धेरै मानिस जम्मा हुने क्षत्रे कोरोना भाइरस मुक्त पारेर मात्र संचालन गर्नुपर्ने भएको छ ।

यसका लागि संचालकले त्यसको व्यवस्था गर्नुपर्ने छ । यूरोपमा धेरै मानिसमा यसको संक्रमण फैलिएको छ ।

नेपाली नागरिक धेरै रहेको खाडी मुलुकमा पनि यसको फैलावट तिब्र रहेको छ । यससँगै सरकारले यी मुलुकसँगको हवाई सम्बन्ध तत्कालका लागि तोडेको छ ।

जसले गर्दा नेपालमा तत्काल कोरोना नभित्रने आशा गरिएको छ । सरकारको यस निर्णयले करीव ५५ मुलुकबाट नेपाल आउने नागरिकको आवागमन रोकिने भएको छ । यसमा नेपाली पनि आउन पाउने छैनन् ।

Loading...

फेसबुकबाट तपाईको प्रतिक्रिया

सम्बन्धित समाचार