05-Apr-2020 | २३ चैत्र २०७६, आईतवार

भारतमा फैलिदै कोरोना, एकै दिन थपिए ४० संक्रमित

८ चैत्र २०७६, शनिबार ०   बिचार / प्रतिक्रिया


नयाँदिल्ली । भारतमा पछिल्लो २४ घण्टामा कोरोना संक्रमितको संख्या ४० जनाले बढेको छ ।

नेपालसँग खुला सिमाना रहेको भारतमा कोरोना भाइरसको संक्रमणमा वृद्धि भएपनि नेपालमा भने सिमाना रोक्ने विषयमा कुनै तयारी गरिएको छैन ।

अहिले औपचारिक रुपमा ४ वटा मात्र सिमा नाकाबाट नेपाल प्रवेश खुला रहेको भएपनि सबै तर्फ खुला सिमाना भएका कारण मानिसहरु निर्वाध प्रवेश गरिरहेका छन् ।

भारतमा कोरोना संक्रमण पुष्टि भएका बिरामीको संख्या २५० पुगेको संचारमाध्यमले उल्लेख गरेका छन् । भारतका २२ राज्यमा कोरोनाको संक्रमण देखिएको छ ।

महाराष्ट्रमा बढी बिरामी देखिएका छन् । मुम्बई, पुणे, नागपुर र पिंपरी चिंचवड तथा छत्तीसगढको राजधानी रायपुरलाई भारत सरकारले लकडाउन गरिसकेको छ ।

यी शहर महाराष्ट्रमा पर्छन् । दिल्लीमा समेत उच्च सतकर्ता अपनाइएको छ । भारतले आइतबारदेखि सबै अन्तराष्ट्रिय उडान बन्द गरेको छ ।

आइतबार भारतमा ‘जनता कर्फ्यू’ घोषणा गरिएको छ । यस दिन कुनै पनि नागरिकलाई घर बाहिर ननिस्कन आह्वान गरिएको छ ।

Loading...

फेसबुकबाट तपाईको प्रतिक्रिया

सम्बन्धित समाचार