काठमाडौं । कोरोना भाइरसको संक्रमण १ सय ८० देशमा पुगेको छ । विश्व स्वास्थ्य संगठनका अनुसार ३ लाख ३६ हजार मानिस यस भाइरसकोे चपेटामा आइसकेका छन् ।

यसमध्ये आइतबार अमेरिकामा सर्वाधिक नयाँ बिरामी भेटिए । आइतबार एक दिनमै अमेरिकामा ८ हजार ५ सय ७६ जना नयाँ संक्रमित थपिएका हुन् ।

विश्वभर आइतबार एकै दिन १ हजार ६ सय जनाको ज्यान गयो । यसमध्ये सबैभन्दा बढी इटलीमा ६ सय ५१ जनाको मृत्यु भएको तथ्यांक रहेको छ ।

स्पेनमा ३ सय ७५, अमेरिकामा १ सय १४, इरानमा १ सय २९ तथा फ्रान्समा १ सय १२ जनाको मृत्यु भएको छ। बेलायतमा ४८ तथा नेदरल्याण्डस्मा ४३ जनाको ज्यान गएको छ ।

यस भाइरसका कारण इटलीमा हालसम्म मृत्यु हुनेको संख्या ५ हजार ४ सय ७६ पुगेको छ। स्पेनमा मृत्यु हुनेको संख्या १ हजार ७ सय ५६ नाघेको छ ।

इरानमा मृत्यु हुनेको संख्या १ हजार ६ सय ८५ पुगेको छ।

आइतबार इटलीमा साढे ५ हजार थप संक्रमित भेटिए । स्पेनमा ३ हजार, जर्मनीमा साढे २ हजार तथा फ्रान्समा १५ सय भन्दा बढी संक्रमित थपिएका छन्।

कोरोना भाइरसबाट मृत्यु हुनेको संख्या १४ हजार ६ सय १३ पुगेको छ। संक्रमितको संख्या ३ लाख ३६ हजार ७५ छ ।